Kyrkjemusikkplan

Plan for kyrkjemusikk, Osterøy sokn
Godkjent 10. mars 2025 (Nynorsk)

Innleiing

Kyrkja på Osterøy skal vera ei levande kyrkje for menneske i alle aldrar og livssituasjonar. Dei skal oppleva seg sett av både Gud og medmenneske.

Kyrkjemusikken gjev tolking og formidling av den kristne trua. Den er kyrkjelyden sitt felles svar på Guds tale til oss og gjev næring til både det åndelege- og det ålmenne menneskelege livet.

Hovudmålsetjing for kyrkjemusikkarbeidet 

Kyrkjemusikkarbeidet på Osterøy skal inngå i ein heilskap med dei andre arbeidsgreinene i kyrkjelyden, både trusopplæring og diakoni

• Kyrkjelyden ynskjer å bidra aktivt til å utvikla det musikalske uttrykket i kyrkja sitt arbeid på Osterøy. Gjennom gudstenestearbeid, kyrkjelege handlingar, øvrige musikalske tiltak som konsertar etc. skal tradisjon og fornying gå hand i hand.
• Kyrkjemusikken i kyrkjelyden har fleire siktemål. Den skal både ha ein sjølvstendig kunstnarleg dimensjon og samstundes møta det enkelte mennesket på ein inkluderande måte.
• Kyrkjemusikken på Osterøy skal formidla Guds tale til menneska i kyrkjelyden og samstundes formidla deira søking til Gud.
• Kyrkjemusikken på Osterøy skal ha som mål å styrkja banda mellom innbyggjarane og kyrkjene i kyrkjelyden.

Planarbeid/støtte

• Det skal lagast konkrete årsplanar kvart år frå august til august med oversikt over bl.a. ulike gudstenesteformer. Dette skal integrerast med plan for trusopplæring.
• Det skal opprettast eit gudstenesteutval under soknerådet der dei sentrale medarbeidarane er med. Utvalet skal først og fremst skissera den overordna målsetjinga.
• Det skal formulerast ein strategi for korleis musikkarbeidet i kyrkjelyden skal delast mellom forskjellige former for frivilligheit og engasjement av profesjonelle musikarar.
• Soknerådet skal bidra til at medarbeidarane søkjer fagleg utvikling/oppdatering m.a. med deltaking i kurs/seminar o.l.
• Soknerådet skal sørgja for at oppdatert materiale, aktuell gudstenestemusikk etc. er tilgjengeleg for dei tilsette i kyrkjelyden.

Konkrete tiltak

• Vokale tilbod/tiltak i kyrkjelyden. Desse skal sjåast i samanheng m.a. med trusopplæringsplanen slik at dei utgjer ein livsdekkande heilskap. Gudstenestearbeidet skal ha prioritet med forsongargrupper og korgrupper, evt. på prosjektbasis.
• Systematisk arbeid med å invitera lokale songarar og instrumentalistar til å medverka både solistisk og i grupper.
• Utvikla kyrkjemusikalske prosjekttiltak  både for barn og vaksne og søkja om eksterne midlar til å gjennomføra desse.
• Arrangera minst 2 salmekveldar i året med spesielt sikte mot å gjennomgå salmar til bruk i den komande perioden.
• Setja av midlar til engasjement av profesjonelle musikarar og nødvendig teknisk utstyr.

Formidling

• Orgelet skal vera kyrkjelyden sitt hovudinstrument, men ein skal samstundes gi rom for alternative instrumenter, orkester/band.
• Kyrkjene skal vera opne hus for alle musikarar både ved gudstenester og konsertar.
• Kyrkja skal i den grad det er ressursar satsa på alternative gudstenesteformer, men også på høgmesser spesielt på høgtidsdagar, der ein har ekstra ambisjonar og ressursar så kyrkjelyden kan få særlege opplevingar både i glede og sorg.

Samarbeid, kommunikasjon og arbeidsmiljø

• Ein open dialog mellom sokneråd/fellesråd og kyrkjemusikarar
• Eit godt og ope samarbeid mellom kyrkemusikar, prest og dei øvrige tilsette
• Ei open linje til skular og kulturaktørar i kyrkjelyden.
• Samstundes med at ein arbeider ut i frå kyrkja sin musikalske tradisjon, skal ein i møte med kyrkjelyden bidra til at den enkelte kjenner seg anerkjent med sin eigen kulturelle og musikalske bakgrunn.

Finale

Ved inngangen til kvart arbeidsår skal kyrkjelyden ved staben ha eit møte der innhaldet i det komande år blir konkretisert ut i frå dei ressursar som er til rådvelde. Store og arbeidskrevjande tiltak skal ein naturlegvis førebu over et lengre tidsrom.